حکومت غریب کے مسائل حل کرنے کے بجائے اپنے مفادات حل کررہی ہے
را ولپنڈی(پی پی آ ئی) عوامی مسلم لیگ کے سر براہ شیخ رشید نے کہا ہے کہ موجود حکومت کامسئلہ بیروزگاری مہنگائی اور معاشی تباہی نہیں صرف عمران خان کی گرفتاری ہے۔اپنے ٹو ئٹر پیغام میں شیخ رشید نے دعویٰ کرتے ہو ئے کہا کہ حکومتی اتحاد میں پھوٹ پڑچکی ہے ملک میں ایک ساتھ انتخابات کا فیصلہ جلد ہو گا۔انہوں نے کہا کہ الیکشن کے معاملے پرسپریم کورٹ کے فیصلوں کوبھی اگرحکومت نہیں مانتی توپھر قوم کدھر جائے،آصف زرداری کہتے ہیں ڈیفالٹ ہونامعمول کی بات ہے کیونکہ ان کی دولت پاپڑ والے دہی بھلے والے کے ذریعے باہرمنتقل ہوچکی ہے۔بلورانی امریکہ میں بلو کے گھرویمن ڈے منا رہی ہے، آئی ایم ایف سے معاملات طے نہیں ہو پارہے حکومت غریب کے مسائل حل کرنے کے بجائے اپنے مفادات حل کررہی ہے،پاکستان کو غریب کے لیے ڈیتھ زون بنادیاہے۔