پنجاب کے تعلیمی اداروں میں آج پنجاب کلچرل ڈے منایا جائیگا

لاہور(پی پی آئی) حکومت پنجاب کی جانب سے صوبہ بھر کے تمام سرکاری وپرائیوٹ تعلیمی اداروں میں 14مارچ کو پنجاب کلچرل ڈے منایا جائیگا جبکہ تمام سرکاری وپرائیوٹ تعلیمی اداروں اوردفاتر میں بھی پنجاب کلچر ڈے کے حوالے سے ہدایت دی گئی ہے کہ وہ اس روز روایتی لباس شلوار قمیص زیب تن کر کے آئیں اور خصوصی طورپر پاجامہ، سرپر پگڑی،کھسہ،شلوار قمیض،کرتا زیب تن کر یں، اس سلسلے میں پنجاب آرٹس کونسل کو بھی کہا گیا ہے کہ وہ کلچرل ڈے کے حوالے سے خصوصی تقریبات کا اہتمام کرے۔