امریکا آئی ایم ایف کے معاملے پر پاکستان کے ساتھ تعاون کیلئے تیار

اسلام آ باد(پی پی آ ئی)امریکی سفیر ڈونلڈ بلوم نے کہا ہے کہ امریکا آئی ایم ایف کے معاملے پر پاکستان کے ساتھ تعاون کیلئے تیار ہے۔ میڈیا ذرا ئع کے مطابق پاکستان میں تعینات امریکی سفیر ڈونلڈ بلوم نے کہا ہے کہ آئی ایم ایف پروگرام کے لیے پاکستانی اقدامات کی حمایت کرتے ہیں،چاہتے ہیں پاکستان اور آئی ایم ایف کے درمیان معاہدہ ہو جائے۔انہوں نے کہا ہے کہ آئی ایم ایف معاہدے سے متعلق پاکستان کی مکمل حمایت کرتے ہیں،آئی ایم ایف معاملے پر پاکستان کے ساتھ تعاون کیلیے تیار ہیں۔پاکستان اور آئی ایم ایف کے درمیان معاملات طے ہو جائیں گے۔ان کا کہنا ہے کہ پاکستان کو دہشت گردی کے خطرات کا سامنا ہے۔امریکا پاکستان کی مدد کے لیے مکمل تیار ہے۔