عمران نیازی ملک میں خانہ جنگی،سول وار اور افراتفری چاہتے ہیں

عمران کی گرفتاری کا انتخابات میں تاخیر سے کوئی تعلق نہیں:مریم اورنگزیب

اسلام آ باد(پی پی آ ئی)پاکستان مسلم لیگ (ن) کی رہنمااور وفاقی وزیراطلاعات مریم مریم اورنگزیب نے کہا ہے کہ عمران خان پر کرپشن کے مقدمات ہیں،عمران نیازی گرفتاری کا انتخابات میں تاخیر سے کوئی تعلق نہیں۔میڈیا ذرا ئع کے مطابق برطانوی میڈیا سے گفتگو کرتے ہو ئے میں وفاقی وزیر مریم اورنگزیب نے کہا کہ پولیس صرف عدالتی احکامات پرعملدرآمدکررہی ہے مگر عمران خان تعاون کرنیکے بجائے مسلسل قانون شکنی کررہے ہیں، عمران خان مسلسل جھوٹ بول رہے ہیں، ان کی گرفتاری سے حکومت کاکوئی تعلق نہیں، پولیس عمران خان کو گرفتار کرنے آتی ہے تو خواتین اور بچوں کو ڈھال بنالیتے ہیں۔ عمران مقبولیت کو خانہ جنگی، تشدد، انارکی کو ہوا دینے کیلئے استعمال نہیں کرسکتے، عمران خان لوگوں کو تشدد کے لئے بھڑکارہے ہیں، عمران خان کو ذمہ داری سے کام لینا چاہیے۔مریم اورنگزیب نے کہا کہ عدالت انہیں پیش ہونے کا کہتی ہے تو سیکیورٹی خطرات کا بہانابناتے ہیں، عمران خان ملک میں خانہ جنگی،سول وار اور افراتفری چاہتے ہیں، پولیس کیپاس کسی قسم کا کوئی اسلحہ نہیں مگر پولیس پرپٹرول بموں سے مسلسل حملے ہورہے ہیں۔وزیراطلاعات نے کہا کہ غیرمسلح پولیس عدالتی وارنٹ پرگرفتاری کیلئیزمان پارک میں موجودہے، عمران کہتے ہیں سیکیورٹی خطرات ہیں،جلسے کرنے کیلئے تیارہیں، ڈی آئی جی آپریشنز لاہور سمیت65 پولیس اہلکار زخمی ہوچکے ہیں۔