بھوکے مر جائیں گے قومی اثاثوں پرسمجھوتہ نہیں کریں گے: شیخ رشید
را ولپنڈی(پی پی آئی) عوامی مسلم لیگ کے سر براہ شیخ رشید نے وزیر خزانہ اسحاق ڈار کی تقریر کو حساس قرار دیتے ہو ئے قوم کے سامنے رکھنے کا مطا لبہ کرتے ہو ئے کہا کہ عوام قومی سلامتی پرکوئی سمجھوتہ نہیں کریگی،بھوکے مر جائیں گے قومی اثاثوں پرسمجھوتہ نہیں کریں گے۔اپنے ٹو ئٹر پیغام میں سابق وزیر داخلہ شیخ رشید نے سیکرٹری خارجہ کادورہ چین اہم قرار دیتے ہو ئے کہا کہ ریا ست کاپہلا اصول عوام ہے اورعوام کوحکومت نے تباہ و برباد کر دیا ہے۔انہوں نے شہباز حکو مت کو تنقید کا نشا نہ بناتے ہو ئے کہا کہ 6ارب ڈالرکی یقین دہانی نہیں مل رہی،یہ آئی ایم ایف سے خاک معاہدہ کرینگے،50فیصد مہنگائی بڑھادی، انکے ریلیف دینے کانام عوام کوتکلیف دیناہے آپ سات سمندر پار خیرات کیلئے جارہے ہیں اورتبدیلی آپکے پڑوس میں آگئی ہے۔ بلی تھیلے سے باہرآگئی ہے،رجیم چینج آپریشن کاپردہ چاک ہونے جا رہا ہے۔ دیوالیہ ریاست کوکیااور کہتے ہیں سیاست داؤپرلگادی ہے۔