مقبوضہ جموں وکشمیر،پونچھ میں گاڑی کے کھائی میں گرنے سے متعدد طلبا زخمی

سری نگر(پی پی آ ئی) بھارت کے زیر قبضہ جموں و کشمیر میں ضلع پونچھ میں ایک گاڑی سڑک سے پھسل کر ایک کھائی میں گرنے سے چھ لڑکیوں سمیت 13 طلبا زخمی ہو گئے ہیں۔کشمیرمیڈیاکے مطابق حادثہ ضلع کے علاقے مینڈھر میں کیری کانگڑا کے قریب اس وقت پیش آیا جب ڈرائیور گاڑی کاکنٹرول کھو بیٹھا اور گاڑی کئی فٹ نیچے کھائی میں جاگری۔جسکے نتیجے میں 13طلبا زخمی ہو گئے جنہیں سب ڈسٹرکٹ اسپتال میں داخل کیا گیا ہے، دو کو مزید علاج کے لیے جی ایم سی راجوری منتقل کیا گیا ہے۔