حریم شاہ کی رمضان کے آغاز پر صندل اور عائشہ کو بددعائیں درگزر کریں،اللہ تعالیٰ خود سزا دے گا،مداحوں کا ٹک ٹاکر کو مشورہ

کراچی (پی پی آئی) معروف ٹک ٹاکر حریم شاہ نے اپنی سابقہ قریبی دوست اور ٹک ٹاکر صندل خٹک اور عائشہ ناز کو برباد ہونے کی بددعا دے دی۔سوشل میڈیا کی ویڈیو شیئرنگ ایپلی کیشن انسٹاگرام پر جاری ویڈیو بیان میں مداحوں کو رمضان کی مبارکباد پیش کرتے ہوئے حریم شاہ نے کیپشن درج کرتے ہوئے لکھاکہ ’یااللہ پاک میں بہت کمزور ہوں میری مدد فرما، یااللہ پاک اس رمضان کے صدقے صندل خٹک اور عائشہ ناز کو برباد کر، یااللہ تو سب جانتا ہے تجھ سے کچھ چھپا نہیں میرے اللہ تو مجھے انصاف دلادے‘۔پی پی آئی کے مطابق کچھ روزقبل سوشل میڈیا پر حریم شاہ کی کچھ غیر اخلاقی ویڈیوز منظر عام پر آی تھیں، وائرل ویڈیو پر حریم شاہ نے الزام لگایا تھا کہ ان کی لیک ہونے والی غیر اخلاقی ویڈیوز قریبی دوست صندل خٹک اور عائشہ ناز نے موبائل چوری کرکے لیک کیں۔ دوسری طرف ان کے مداحوں نے ٹک ٹاکر کو مشورہ دیا کہ وہ معاملہ اللہ تعالیٰ پر چھوڑ دین اور بد دعا دینے کی بجائے درگزر سے کام لیں۔