لانڈھی کراچی کے پلاسٹک کے گودام میں فائرنگ، 2 افراد جاں بحق,حملہ آور فرار

کراچی (پی پی آئی) شہرقائدکے علاقے لانڈھی گلشن بونیر میں فائرنگ کے ایک واقعہ میں دو افراد جاں بحق ہو گئے۔ریسکیو ذرائع کے مطابق فائرنگ کے واقعہ میں جاں بحق ہونے والے افراد کی شناخت جلیل اور عبداللہ کے نام سے ہوئی ہے جبکہ دونوں افراد کی لاشوں کو پوسٹ مارٹم کے لئے ہسپتال منتقل کر دیا گیا ہے۔پی پی آئی کے مطابق پولیس کا کہنا ہے کہ ابتدائی طور پر واقعہ ذاتی دشمنی کا شاخسانہ لگتا ہے، مقتولین دوست تھے اور پلاسٹک کے گودام میں لڈو کھیل رہے تھے، نامعلوم شخص نے اندر آکر فائرنگ کر دی اور فرار ہو گیا، جائے وقوعہ سے نائن ایم ایم پستول کی گولیوں کے دو خول ملے ہیں۔