عمران نیازی کی سیاست ریاست کیخلاف ہے: پی ڈی ایم ان کی سیاست اور ریاست اکٹھے نہیں چل سکتے: حا فظ حمداللہ

اسلام آ باد(پی پی آ ئی) پی ڈی ایم کے ترجمان حا فظ حمداللہ نے کہا ہے کہ عمران نیازی کی سیاست ریاست کے خلاف ہے ان کی سیاست اور ریاست اکٹھے نہیں چل سکتے۔ سماجی را بطے کی ویب سائٹ ٹو ئٹر پر اپنے بیان میں جے یو آ ئی رہنما حا فظ حمداللہ نے کہا ہے کہ پی ٹی آئی زمان پارک سے واشنگٹن تک ریاستی ادارے اور ان کے سربراہ کیخلاف مبینہ طور پر مورچہ زن ہے،سوشل میڈیا کے ذریعے زہریلی مہم چلائی جارہی ہے۔ حا فظ حمداللہ نے عمران خا ن مخاطب کرتے ہو ئے کہا کہ تم نے زمان پارک میں جو سیاسی دکان کھول رکھا ہے جلدبند ہونیوالی ہے،تم نے اس شخص کوپارٹی صدربنایا جن کی سیاست جرنیلوں کی مرہون منت ہے،ایک طرف جرنیلوں پر تنقید دوسری طرف ان کے بیٹوں اور پوتوں کو گود لیاہواہے۔انہوں نے کہا کہتم کسی کیلئے ریڈلائن ہوسکتاہے قوم کی ریڈلائن ریاست ہے۔ تم نے میرجعفر اور میر صادق کس کو کہا تم حاجی اور حافظ کے الفاظ سے کس کا مذاق اڑا رہے ہو؟۔