کوٹ ادو اور گردونواح میں زلزلے کے جھٹکوں سے خوف و ہراس

کوٹ ادو(پی پی آئی)کوٹ ادو اور گردونواح میں زلزلے کے جھٹکے محسوس ہوئے ہیں جس پر لوگوں میں خوف و ہراس پھیل گیا۔پی پی آئی کے مطابق پنجاب کے شہر کوٹ ادو اور گردونواح میں 4 عشاریہ 8 شدت کے زلزلے کے جھٹکے محسوس کئے گئے، زلزلے سے کئی مکانوں کی چھتوں اور دیواروں میں دراڑیں پڑ گئیں۔کوٹ ادو شہر کے علاقوں تونسہ،لیہ،سنانواں میں اتوار کی رات 9 بجکر 28 منٹ پر زلزلے کے شدید جھٹکے محسوس کیے گئے۔زلزلے کے باعث شہری کلمہ طیبہ کا ورد کرتے ہوئے اپنے گھروں سے باہر نکل آئے۔