قابض حکام نے کشتواڑ میں دو مسلمانوں پر کالا قانون پبلک سیفٹی ایکٹ لاگوکردیا

سری نگر(پی پی آ ئی)بھارت کے زیر قبضہ جموں وکشمیرمیں قابض حکام نے جموں خطے کے ضلع کشتواڑ میں دومسلمانوں پرکالا قانون پبلک سیفٹی ایکٹ لاگوکردیا ہے۔کشمیر میڈیا کے مطابق قا بض حکام نے محمد رفیع اور غلام قادر پر پبلک سیفٹی ایکٹ لاگوکردیا جو اس وقت کٹھوعہ کی ڈسٹرکٹ جیل میں نظربندہیں۔ ان پر بھارت مخالف سرگرمیوں میں ملوث ہونے کا الزام ہے۔ایک سینئر پولیس افسر نے بتایا کہ جو بھی بھارت مخالف سرگرمیوں میں ملوث پایا گیا اسے بخشا نہیں جائے گا۔ انہوں نے کہا کہ ہم ان سرگرمیوں میں ملوث تمام افراد کوگرفتارکریں گے اور ان کی جائیدادیں بھی ضبط کر لیں گے۔واضح رہے کہ اس قانون کے تحت کسی بھی شخص کو مقدمہ چلائے بغیر سالہاسال تک نظربند کیاجاسکتاہے۔