روس سے پاکستان کو18 ڈالر فی بیرل تک ڈسکاؤنٹ حاصل ہوگا

اسلام آ باد(پی پی آ ئی)پاکستان کو روس18 ڈالر فی بیرل تک ڈسکاؤنٹ پر تیل فراہم کر رہا ہے جب کہ ادائیگیاں چینی کرنسی یواین میں کی جائے گی۔پاکستان نے ٹیسٹ کیس کے طور پر روس سے کروڈ آئل کی امپورٹ کے لیے پہلا آرڈر دے دیا،روس سے ایک لاکھ ٹن کروڈ آئل کی پہلی شپمنٹ مئی کے آخری یا جون کے پہلے ہفتے میں پاکستان پہنچے گی،اس شپمنٹ پر پاکستان کو18 ڈالر فی بیرل تک ڈسکاؤنٹ حاصل ہوگا۔واضح رہیکہ پاکستان پیٹرولیم مصنوعات کی خریداری کے لیے پلیٹس کی جاری کردہ قیمتوں کو فالوکرتا ہے اورپلیٹس کے ریٹس کی نسبت پاکستان کو روسی تیل کی خریداری پر 16سے18 ڈالر فی بیرل تک ڈسکاؤنٹ حاصل ہوگا۔ذرائع کا کہنا ہیکہ پاکستان روس کو چینی یو این میں ادائیگیاں کرے گا، اورایل سیزبینک آف چائنا کھولے گا،چینی کرنسی کے استعمال کا فیصلہ روس پرامریکی پابندیوں کے تناظر میں کیا گیا ہے،دوسری وجہ ڈالرکی قلت بھی ہے۔معاشی ماہرین ڈالرکے علاوہ کسی بھی کرنسی میں روسی تیل کی ادائیگیوں کو ایک بہترین موقع قرار دے رہے ہیں۔