پنجاب کے12 اضلاع میں خصوصی انسداد پولیو مہم کا آغازکل سے ہوگا

لاہور(پی پی آئی)پنجاب کے12 اضلاع میں خصوصی انسداد پولیو مہم کا آغاز15مئی سے ہوگا۔لاہور،راولپنڈی اور فیصل آباد میں مہم 7 روز جاری رہے گی جبکہ دیگر 9اضلاع بھکر، لیہ، ڈی جی خان،میانوالی، ملتان، مظفر گڑھ، رحیم یار خان، راجن پور اور شیخوپورہ میں مہم کا دورانیہ پانچ روز ہوگا۔پی پی آئی کے مطابق پولیو کے خاتمے کی مہم کے دوران پانچ سال تک کی عمر کے ایک کروڑ 8 لاکھ 50ہزاربچوں کو ویکسیئن کے قطرے پلانے کا ہدف مقرر کیا گیا ہے۔