چترال، گلگت بلتستان اور آزاد کشمیر میں بعض مقامات پر بارش متوقع

گلگت بلتستان/مظفر آباد(پی پی آئی)محکمہ موسمیات کا کہنا ہے کہ ملک کے بیشتر میدانی علا قوں میں موسم خشک اور گرم رہے گا۔سندھ، خیبر پختونخوا، گلگت بلتستان اورآزاد کشمیرمیں چند مقامات پر بارش متوقع ہے،اسلام آباد میں موسم خشک اور گرم رہے گا۔قلات،خضدار اور گردنواح میں گرج چمک کے ساتھ بارش کاامکان ہے جبکہ مری، گلیات اور گردو نواح میں مطلع جزوی ابر آلود رہے گا۔پی پی آئی کے مطابق خیر پور، سانگھڑ، سکھر، گھوٹکی اور چترال، دیر، سوات،کرم اور کوہستان میں بھی بارش متوقع ہے۔