جوناگڑھ پر بھارت کے غیر قانونی قبضے کیخلاف اقوام متحدہ میں رابطے شروع

نیویارک/کراچی(پی پی آئی) جوناگڑھ پر بھارت کے غیر قانونی قبضے کیخلاف اقوام متحدہ میں عالمی برادری سے رابطے شروع ہیں جن میں واضع کیا جارہا ہے کہ نواب آف جوناگڑھ نواب مہابت خانجی اور قائداعظم محمد علی جناح نے ویانا کنونشن کے تحت ریاست کے پاکستان سے الحاق کے معاہدے پر دستخط کیے تھے تاہم بھارت نے معاہدے پر دستخط کے ایک ماہ بعد ریاست پر غیر قانونی قبضہ کر لیا جیسا کہ اس نے جموں و کشمیر پر کیا تھا۔ یہ بات مقبوضہ ریاست کے نائب دیوان معین خان نے بتائی انھوں نے پی پی آئی کو آگاہ کیا کہ نواب آف جوناگڑھ نواب آف جوناگڑھ جہانگیر خانجی کے نمائندہ نے اقوام متحدہ کے دفتر میں ایک یاد داشت جمع کرائی ہے جس میں عالمی ادارے پر زور دیا گیا ہے کہ وہ ریاست جوناگڑھ کی آزادی کے لیے اپنا کردار ادا کرے جو گزشتہ 75 برس سے بھارت کے غیر قانونی قبضے میں ہے۔ یاد داشت میں امید کا اظہار کیا گیا ہے کہ جوناگڑھ ایک دن پاکستان کا حصہ بنے گا