اے این ایف کی مختلف شہروں میں کارروائیاں، 4 ملزمان گرفتار

کوئٹہ، پشاور،اٹک(پی پی آئی) اینٹی نارکوٹکس فورس نے مختلف شہروں میں کارروائیاں کرتے ہوئے 4 ملزمان گرفتار کرلیے۔اے این ایف حکام کے مطابق کارروائی کے دوران818 کلوگرام چرس برآمد کر لی گئی، برا?مد شدہ چرس جعلی سرکاری نمبر پلیٹ لگی 2گاڑیوں میں چھپائی گئی تھی۔حکام کاکہنا ہے کہ کارروائی میں 26 کلو460 گرام افیون بھی برآمد کی گئی ہے، کارروائیاں کوئٹہ، پشاور اور اٹک میں کی گئی ہیں۔اے این ایف حکام کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔