پنجاب اوراسلام آباد میں تعینات پاک فوج کے دستوں کو واپس بھجوانے کا فیصلہ

لاہور(پی پی آئی)پنجاب سے فوج کی واپسی سے متعلق صوبائی حکومت وفاقی حکومت کو آگاہ کرے گی۔اسلام آباد میں تعینات پاک فوج کے دستوں کو بھی واپس بھجوانے کا فیصلہ کرلیا گیا۔ ذرائع محکمہ داخلہ پنجاب کے مطابق وفاقی حکومت کومراسلے کے ذریعے فوج کی واپسی سے متعلق آگاہ کیا جائے گا۔ پی پی آئی کے مطابق پنجاب میں امن وعامہ کی صورتحال کنٹرول ہونے پرفوج کوواپس بھجوایا جا رہا ہے۔یاد رہے کہ نگران پنجاب حکومت نے 10 مئی کو آرٹیکل 245کے تحت فوج طلب کی تھی، پنجاب میں امن وعامہ کی صورتحال کنٹرول کرنے کیلئے فوج کو بلوایا گیا تھا۔ فوج کی 10 کمپنیز کی خدمات پنجاب حکومت کے سپرد کی گئی تھیں دوسری جانب امن و امان کی صورتحال بہتر ہونے پر اسلام آباد میں تعینات پاک فوج کے دستوں کو واپس بھجوانے کا فیصلہ کرلیا گیا۔ چیف کمشنر اسلام آباد میں وزارت داخلہ کو باقاعدہ مراسلہ بھی ارسال کردیا۔