کوٹلی (پی پی آئی) آزاد کشمیر کے ضلع کوٹلی میں افسوسناک ٹریفک حادثے کے نتیجے میں 9 افراد جاں بحق ہوگئے۔پی پی آئی کے مطابق ریسکیو ذرائع کا کہنا ہے کہ نیریاں شریف میں عرس کے بعد واپس جانے والی زائرین کی بس کوٹلی کے نواحی قصبے کرائی کے مقام پر کھائی میں گر گئی جس کے نتیجے میں 9 افراد جاں بحق جبکہ متعدد زخمی ہوگئے۔ریسکیو ذرائع نے بتایا کہ حادثہ تیز رفتاری کے باعث موڑ کاٹتے ہوئے پیش آیا جبکہ حادثے میں جاں بحق اور زخمی ہونے والوں کا تعلق پنجاب کے ضلع گوجرانوالہ سے ہے جو نیریاں شریف میں عرس کی تقریبات کے اختتام کے بعد واپس گھروں کو جا رہے تھے۔ریسکیو ذرائع نے مزید بتایا کہ حادثے کے نتیجے میں زخمی ہونے والے افراد کو طبی امداد کے لئے ڈسٹرکٹ ہیڈ کوارٹر ہسپتال (ڈی ایچ کیو) میر پور منتقل کر دیا گیا ہے۔
Next Post
امریکہ سے گزشتہ سال 68 پاکستانیوں سمیت 150 ممالک کے 72177 باشندے ملک بدر
Mon Jun 12 , 2023
نیویارک (پی پی آئی)) امریکہ نے گزشتہ سال مختلف جرائم میں 150 ممالک کے 72177 غیر ملکی باشندے امریکہ بدر کیے. 2022ء میں ایسے ملک بدر کیے جانے والوں میں 68 پاکستانی بھی شامل تھے. پی پی آئی کے مطابق موجودہ امریکی صدر بائیڈن کے دور میں ڈیپورٹ کیے جانے […]