ایڈووکیٹ جنرل پنجاب شان گل نے عہدے سے استعفیٰ دیدیا

لاہور(پی پی آ ئی) ایڈووکیٹ جنرل پنجاب شان گل نے ذاتی وجوہات کے بنا پر عہدے سے استعفیٰ دیدیا۔ذرا ئع کے مطابق ایڈووکیٹ جنرل پنجاب نے استعفیٰ نگراں وزیراعلیٰ پنجاب محسن نقوی کو بھجوادیا، ایڈووکیٹ جنرل کا کہنا ہے کہ ذاتی وجوہات کے بنا پر مزید فرائض ادا نہیں کرسکتا۔ شان گل 26 جون تک خدمات سرانجام دیں گے۔خیال رہے کہ رواں سال 17 فروری کو نگراں وزیراعلیٰ پنجاب محسن نقوی نے شان گل کی بطور ایڈووکیٹ جنرل پنجاب تعیناتی کی باضابطہ منظوری دی تھی۔ واضح رہے کہ 14 فروری کو لاہور ہائی کورٹ نے ایڈووکیٹ جنرل پنجاب احمد اویس سمیت 97 لا افسران کی برطرفیاں درست قرار دی تھیں۔ جسٹس علی باقر نجفی کی سربراہی میں لاہور ہائی کورٹ کے 5 رکنی لارجر بینچ نے اس سے متعلق اپنا فیصلہ سنایا تھا۔