واشنگٹن/کراچی (پی پی آئی)عالمی ادارہ شماریات (ورلڈ آف اسٹیٹکس) نے امریکی ویزے مسترد ہونے کی شرح کے حوالے سے اعداد و شمار جاری کردیے۔ورلڈ آف اسٹیٹکس کے ٹوئٹر اکاونٹ پر جاری اعداد و شمار کے مطابق سال 2022 میں پاکستانیوں کی امریکی ویزے کی درخواستیں مسترد ہونے کی شرح 31 فیصد رہی جبکہ بھارتیوں کی ویزہ درخواستیں مسترد ہونے کی شرح 7 فیصد ریکارڈ کی گئی۔افغان شہریوں کی امریکی ویزہ درخواستیں مسترد ہونے کی شرح 53 فیصد، ایران 54 فیصد، اور چینی شہریوں کی امریکی ویزہ درخواستیں مسترد ہونے کی شرح 30 فیصد رہی۔مائکرو نیشیا کی ویزہ درخواستیں مسترد ہونے کی شرح 100 فیصد سامنے آئی ہے۔پی پی آئی کے مطابق یورپی ملک موناکو کے ویزے مسترد ہونے کی شرح صفر فیصد رہی۔اسرائیلی شہریوں کے ویزے مسترد ہونے کی شرح 2 فیصد، ارجنٹینا 4، ہانگ کانگ 5، برطانیہ 16 جبکہ نیوزی لینڈ اور آسٹریلیا کے امریکی ویزے مسترد ہونے کی شرح 13، 13 فیصد رہی۔
Next Post
ایسے آڑھت کی دکان بھی نہیں چلتی جس طرح یہ ملک چلا رہے ہیں: شیخ رشید
Wed Jun 21 , 2023
راولپنڈی(پی پی آئی) سربراہ عوامی مسلم لیگ و سابق وفاقی وزیر داخلہ شیخ رشید احمد نے کہا ہے کہ ایسے آڑھت کی دکان بھی نہیں چلتی جس طرح یہ ملک چلا رہے ہیں۔ شیخ رشید کا کہنا تھا کہ وزیر خزانہ سفارت کاروں کی منت سماجت پر آگئے ہیں۔