اقدام قتل کا ملزم مسقط سے گرفتار کر لیا گیا، اسلام آباد منتقل

مسقط/اسلام آباد (پی پی آئی) انٹرپول کے ذریعے اقدام قتل کے ملزم محمد رضوان کومسقط سے گرفتار کر کے اسلام آباد منتقل کر دیا گیا ہے۔پی پی آئی کے مطابق سیالکوٹ پولیس کو مطلوب ملزم محمد رضوان کو مسقط سے پاکستانی پولیس نے حراست میں لیا اور فی الحال اسے وفاقی دارالحکومت اسلام آباد منتقل کیا گیا ہے۔ بعد ازاں سیالکوٹ پولیس کے حوالے کر دیا جائے گا۔بتایا گیا ہے کہ ملزم محمد رضوان کے خلاف اقدام قتل کے تحت مقدمہ درج تھا جس میں وہ مفرور ہو گیا تھا۔