شیرانی میں ایف سی چیک پوسٹ پرحملہ، 4 اہلکار شہید, ایک دہشت گرد ہلاک

شیرانی (پی پی آئی)بلوچستان کے ضلع شیرانی کے علاقے دھانہ سر میں ایف سی چیک پوسٹ پردہشت گرد حملے میں 4 اہلکار شہید جبکہ ایک زخمی ہوگیا۔ترجمان کے مطابق دہشتگرد حملے میں حملے میں ایک ایف سی اور3پولیس اہلکار شہید ہوگئے،پی پی آئی کے مطابق فائرنگ کے تبادلے میں ایک دہشت گرد ہلاک ہوگیا۔ فورسز اور دہشت گردوں کے درمیان فائرنگ کاتبادلہ جاری ہے۔ترجمان بلوچستان حکومت بابریوسفزئی کا کہنا ہے کہ دہشتگرد بزدلانہ حملے سے امن وامان خراب کرنا چاہتے ہیں، دہشتگردوں کوکسی قسم کی رعایت نہیں دی جائے گی۔ سیکیورٹی فورسز کے قربانیوں پر پوری قوم کو فخر ہے۔