انسانی سمگلروں کے خلاف کریک ڈاون میں یونان کشتی حادثہ کے 3 ملزمان گرفتار

گجرات(پی پی آئی) ایف آئی اے لاہور زون نے انسانی اسمگلروں کے خلاف کریک ڈاؤن میں یونان کشتی حادثہ کے 3 ملزمان کو گرفتار کرلیا۔پی پی آئی کے مطابق اینٹی ہیومن ٹریفکنگ سرکل گجرات نے انھیں کھاریاں اور پھالیہ سے گرفتار کیا۔ انسانی اسمگلروں نے شہریوں کو یورپ کا جھانسہ دے کر کروڑوں روپے بٹورے تھے۔ گرفتار ملزمان نصر اقبال، رزاق اور طارق محمود نوجوانوں کوپاکستان سے لیبیا اور لیبیا سے یونان بذریعہ کشتی بھجوانے میں ملوث تھے۔۔ اینٹی ہیومن ٹریفکنگ سرکل گجرات نے یونان کشتی حادثے میں اب تک 87 مقدمات درج کئے ہیں۔ ایف آئی اے گجرات سرکل نے اب تک 19 انسانی سمگلرز کو گرفتار کر لیا ہے۔