پشاور میں فائرنگ،ڈائریکٹر پبلک سروس کمیشن جاں بحق، ملزمان فرار

پشاور  (پی پی آئی) پشاور میں فائرنگ سے پبلک سروس کمیشن کا ڈائریکٹر جاں بحق ہو گیا۔ تفصیلات کے مطابق پبلک سروس کمیشن کے شعبہ امتحانات کے ڈائریکٹر ارشد خان کو پشاور میں فائرنگ کر کے قتل کر دیا گیا ہے،  ارشد خان چارسدہ سے پشاور ڈیوٹی کیلئے آرہے تھے، پشاور دوران پور  کے قریب ملزمان کی جانب سے نشانہ بنایاگیا، پی پی آئی کے مطابق     پولیس کا کہنا ہے کہ قتل کے محرکات سامنے نہ آسکے۔ پولیس کا کہنا ہے کہ ورثا کی آمد کے بعد مقدمہ درج کیا جائے گا،لاش پوسٹ مارٹم کیلئے ہسپتال منتقل کر دی گئی ہے،جائے وقوعہ سے 30بور پسٹل کی گولیوں کے دو خول برآمد ہوئے ہیں۔