کراچی (پی پی آئی)اوگرا نوٹیفکیشن کے بغیر ایل پی جی کی قیمت میں چوتھی بار اضافہ کر دیا گیا، فی کلو 240 روپے کی ہو گئی۔ تفصیلات کے مطابق ایل پی جی کی قیمت میں 10روپے فی کلو اضافہ کر دیا گیا، ایل پی جی 230روپے کلو سے بڑھ کر 240روپے ہو گئی،گھریلو سلنڈر 2830 روپے،کمرشل سلنڈر 10900 روپے کا ہوگیا،پی پی آئی کے مطابق ملک کے دوردراز علاقوں میں ایل پی جی 370روپے کلو تک فروخت ہونے لگی، گھریلو سلنڈر 4130اور کمرشل سلنڈر 15890روپے کا ہو گیا۔واضح رہے کہ ایل پی جی کی سرکاری قیمت 177روپے کلو اور گھریلو سلنڈرکی قیمت 2092مقرر ہے۔