گلستان جوہر پہلوان گوٹھ میں سالے کے ہاتھوں بہنوئی قتل،بہن شدید زخمی

کراچی (پی پی آئی)گلستان جوہر پہلوان گوٹھ میں عباس نامی شخص نے اپنے بہنوئی محمد صفدر کوقتل اوربہن عذرا بتول کوشدید زخمی  کرکے فرار ہو گیا۔پی پی آئی کے مطابق فائرنگ کی واردات گلستان جوہر پہلوان گوٹھ میں پیش آئی، ملزم عباس موقع سے فرار ہوگیا،فائرنگ کا واقعہ غیرت کے نام پر قتل کا ہے،فائرنگ کرنے والا شخص زخمی خاتون کا بھائی اور مقتول کا سالا ہے،خاتون نے پسند کی شادی کی تھی۔ پولیس کا کہنا  ہے کہ ملزم فائرنگ کے واقعہ کے بعد فرار ہوگیا ہے،لاش اور زخمی کو جناح ہسپتال منتقل کردیا ہے، ملزم کی تلاش جاری ہے۔