دورہ عراق میں رانا ثنا اللہ کو ملنے والے قیمتی تحائف توشہ خانہ میں جمع

 اسلام آباد (پی پی آئی)وفاقی وزیر داخلہ رانا ثنااللہ نے دورہ عراق میں ملنے والے قیمتی تحائف توشہ خانہ میں جمع کرا دیئے۔سماجی رابطے کی ویب سائٹ ’ایکس‘ پر رانا ثنا اللہ نے کہا کہ دورہ عراق کے دوران اپنے بھائی عراقی وزیر داخلہ سے ملنے والے قیمتی تحائف توشہ خانہ میں جمع کرا دیئے ہیں، تحائف میں ایک قیمتی پستول اور ایک موبائل فون شامل ہے۔پی پی آئی کے مطابق یہ تحائف عراقی وزیرداخلہ عبدالامیرالشماری نے جذبہ خیرسگالی کے طور پر دیئے تھے۔اس حوالے سے وزیر داخلہ رانا ثنااللہ کا کہنا ہے کہ تحائف ملک و قوم کی امانت ہیں، اس لئے انہیں قومی خزانے میں جمع کرا دیا ہے۔