سعودی عرب میں ثقافتی ٹی وی چینل کے قیام اور اسے چلانے کے لیے وزیر ثقافت شہزادہ بدر بن عبداللہ بن فرحان اور ایم بی سی گروپ کے چیئرمین الولید بن ابراہیم البراہیم نے معاہدہ پر دستخط کئے ہیں۔پی پی آئی کے مطابق ثقافتی ٹی وی چینل 24 گھنٹے مختلف زبانوں میں رنگا رنگ پروگرام پیش کرے گا۔ سعودی وژن 2030 میں مذکور ثقافتی اہداف کے حصول اور مملکت کی ثقافتی حیثیت کو اجاگر کرنے والے پروگرام دے گا۔ثقافتی چینل ستمبر میں ’شاھد‘ ایپ پر منتخب پروگرام پیش کرے گا۔ثقافتی چینل پر میزبان آرٹ، ادبیات، تاریخی ورثے، شعر و شاعری، تھیٹر، سینما، ملبوسات، ڈیزائن اور پکوان آرٹ کا تعارف منفرد انداز میں پیش کیا کریں گے۔بتایا گیا ہے کہ اردو سمیت مختلف زبانوں کے عملہ کا چناؤ بھی شروع ہے اور کئی معروف پاکستانی شخصیات یم بی سی گروپ اور وزارت ثقافت سعودی عرب سے رابطہ میں ہیں۔