پی ایس او کے مالی بحران سے حکومت کو مشکلات کاسامنا

کراچی(پی پی آئی) پی ایس او کے مالی بحران سے حکومت کو مشکلات کاسامنا ہے کیونکہ پی ایس او کے مجموعی واجبات 760 ارب روپے سے تجاوز کر چکے ہیں جبکہ درآمدی آر این این جی کے واجبات پہلی بار 468 ارب روپے کی ریکارڈ سطح پر ہیں۔پی ایس او ذرائع کے مطابق سوئی نادرن گیس نے درآمدی آر ایل این جی کی مد میں 468 ارب روپے ادا کرنا ہیں جبکہ پاور سیکٹر پر واجبات 184 ارب روپے سے  زائد بتائے جاتے ہیں۔ اسی طرح پی آئی اے پر واجبات بڑھ کر 109 ارب روپے ہوچکے ہیں، پی پی آئی کے مطابق دوسری طرف خود پی ایس او کو مقامی ریفائریز اور درآمدی آر ایل این جی کی مد میں 230 ارب روپے ادا کرنا ہیں۔