نواز شریف کے استقبال کیلئے لاہور جانے والاکراچی کالیگی کارکن کرامت ٹرین میں چل بسا

 محراب پور جنکشن/کراچی(پی پی آئی)سابق نواز شریف کے استقبال کے لئے کراچی کے ٹرین قافلے کارواں میں شامل لیگی کارکن ساٹھ سالہ  کرامت علی اچانک انتقال کر گئے۔کارکن کی شناخت کرامت کے نام سے ہوئی ہے، پی پی آئی کے مطابق مسلم لیگ (ن) کے رہنما محمد زبیر نے بتایا کہ کارکن کی محراب پور جنکشن کے قریب اچانک طبیعت خراب ہوئی جس سے وہ انتقال کر گیا۔لیگی کارکن کرامت شہباز گوٹھ سپر ہائی وے کراچی کا رہنے والا تھا جس کی لاش ایمبولینس کے ذریعے کراچی بھجوا دی گئی۔