ورلڈ کپ ٹی ٹوئنٹی فائنل کے لیے میچ انتظامیہ کا اعلان

دبئی: آئی سی سی نے ٹی ٹوئنٹی ورلڈ کپ کے فائنل کے لیے ایمپائروںاور ریفری کا اعلان کر دیا ۔آئی سی سی نے مردوں اور خواتین کے ورلڈ کپ ٹی ٹوئنٹی فائنل کے لیے فیلڈ ایمپائر اور ریفری کا اعلان کر دیا ، سری لنکا اور انڈیا کے درمیان ورلڈ کپ فائنل کے لیے انگلینڈ سے تعلق رکھنے والے ایمپائر آئی این گولڈ اور رچرڈ کیٹلبورف کوفیلڈ ایمپائر ، روڈ ٹکر کو تھرڈ ،بروس اوکسینفرڈ کو چوتھے ایمپائرجبکہ ڈیوڈ بو ن کو میچ ریفری مقرر کر دیا ہے ۔ آسٹریلیا اور انگلینڈکی خواتین کے فائنل کے لیے رنجن مدوگالے کو میچ ریفری ، پاکستان کے علیم ڈار اور میرس ایراسموس کو فیلڈ جبکہ بلی باﺅڈن اور ایس روی کو تھرڈ او ر چو تھے ایمپائر کے طور پر مقرر کر دیا گیا ہے۔