امجد صابری قتل کیس کا مرکزی ملزم گرفتار، دستی بم، پستول اور بارودی مواد برآمد

کراچی (پی پی آئی)شہر قائد کے علاقے پٹیل پاڑہ سے سی ٹی ڈی نے کالعدم تنظیم کے دہشت گرد کو گرفتار کر لیا۔ سی ٹی ڈی کے مطابق دہشت گرد قاسم رشید کو خفیہ اطلاع پر گرفتار کیا گیا،ملزم نے عاصم اور اسحاق نامی لوگوں کے ذریعے 7 سال قبل امجد صابری کا قتل کروایا،حکام کا کہنا ہے کہ گرفتار دہشت گرد  نے 4 رینجرز اہلکاروں کے قتل کا بھی اعتراف کیا ہے، ملزم نے صدر پارکنگ پلازہ کے قریب 2 آرمی اہلکاروں کے قتل کا اعتراف بھی کیا ہے،  پی پی آئی کے مطابق     حکام کا کہنا ہے کہ ملزم نے تفتیش میں مختلف وارداتوں میں ملوث ہونے کا بھی اعتراف کیا ہے۔ سی ٹی ڈی کے مطابق گرفتار دہشت گرد سے دستی بم، پستول اور بارودی مواد برآمد کیا گیا ہے اور یہ ملزم پہلے بھی گرفتار ہو کر جیل جا چکا ہے، گرفتار دہشت گرد نے جیل سے نیٹ ورک چلانے کا انکشاف کیا ہے۔ خیال رہے کہ 16 رمضان 22 جون 2016 کو قوال امجد صابری پر نامعلوم افراد نے فائرنگ  گولیاں ماری تھیں۔