ٹیکساس (پی پی آئی)ایسو سی ایشن آف پاکستانی فزیشنز ان نارتھ امریکا (اے پی پی این اے) نے پاکستانی نژاد ماہر اطفال ڈاکٹر طلعت جہاں خان کے قتل کیس کی مکمل پیروی کر نے کا اعلان کرتے ہوئے کہا ہے کہ ہم اس بہیمانہ قتل پر سخت صدمے کا شکار ہیں، پی پی آئی کے مطابق ایسو سی ایشن آف پاکستانی فزیشنز ان نارتھ امریکا گزشتہ ہفتے ٹیکساس میں پاکستانی ماہر اطفال کے نفرت انگیز قتل کی وجہ کا تعین کرنے کے لیے تمام پہلوؤں پر غور کر رہی ہے۔ پاکستانی نژاد ڈاکٹر طلعت جہاں خان کو ہفتے کو ٹیکساس کے شہر کونرو میں ان کے اپارٹمنٹ کمپلیکس میں چاقو کے وار کر کے قتل کر دیا گیا تھا، حملہ آور 24 سالہ مائلز جوزف فریڈرک حملے کے بعد موقع سے فرار ہو گیا جسے بعد میں گرفتار کر لیا گیا تھا۔ایسو سی ایشن آف پاکستانی فزیشنز ان نارتھ امریکا کے صدر ڈاکٹر ارشد ریحان نے کہا کہ ہمنے اپنے وکیل کو مقامی حکام سے رابطے میں رہنے کی ہدایت کی ہے اور اس کیس کی مکمل پیروی کریں گے۔
Next Post
توشہ خانہ، القادر ٹرسٹ کیس میں بشریٰ بی بی کی ضمانت میں 15 نومبر تک توسیع
Tue Oct 31 , 2023
اسلام آباد (پی پی آئی احتساب عدالت نے سابق خاتون اول بشریٰ بی بی کی توشہ خانہ اور 190 ملین پاؤنڈ سکینڈل کیس میں 15 نومبر تک توسیع کردی۔اسلام آباد کی احتساب عدالت میں بشریٰ بی بی کیخلاف توشہ خانہ اور 190 ملین پاؤنڈ سکینڈل کیس میں ضمانت کی درخواست […]