لاہور(پی پی آئی)خدیجہ شاہ کو ایف آئی اے نے جیل سے اپنی حراست میں لینے کے بعد خدیجہ شاہ کو جسمانی ریمانڈ کیلئے عدالت پیش کردیا۔ جوڈیشل مجسٹریٹ عمران عابد نے جسمانی ریمانڈ کی درخواست پر سماعت کی،ایف آئی اے کے لیگل ایڈوائزر رانا اعجاز خلیل عدالت پیش ہوئے،خدیجہ شاہ کو ایف آئی اے کی جانب سے عدالت میں پیش کرنے کے بعد ملزمہ کے 14روزہ جسمانی ریمانڈ کی استدعا کی گئی۔ وکیل ایف آئی اے نے دلائل دیتے ہوئے کہا 9مئی کو خدیجہ شاہ نے اشتعال انگیز ٹویٹ کئے،وہ ٹویٹ ابھی تک ری ٹویٹ ہورہے ہیں،خدیجہ شاہ کے وکیل نے کہا خدیجہ شاہ پانچ ماہ سے جیل میں ہیں،کیا ٹویٹ جیل سے کررہی ہیں؟۔ بعدازاں عدالت نے کیس پر مزید سماعت 10 نومبر تک ملتوی کردی۔