خاندان کے 3افراد کے قاتلوں کیخلاف قانونی جنگ لڑنے والی ام رباب کی جان کو خطرہ

دادو  (پی پی آئی) ام رباب چانڈیو کا کہنا ہے کہ میری جان کو خطرہ ہے اور پولیس میرا کیس بگاڑنا چاہتی ہے۔ دادو سے تعلق رکھنے والی خاتون وکیل اور کارکن اْم رْباب چانڈیو نے کہا ہے کہ آئی جی سندھ فوری نوٹس لیں, پولیس افسران کے خلاف قانونی کروائی کریں, میری جان کو خطرہ ہے اور پولیس میرا کیس بگاڑنے کی کوشش کر رہی ہے۔پی پی آئی کے مطابق  ام رباب چانڈیو کا مزید کہنا ہے کہ پولیس افسران کی جانب سے مجھے حراساں کیا جارہا ہے, مجھے قتل کرنے کی سازش کی جارہی ہے, یقین ہوگیا ہے کہ ڈی آئی جی لاڑکانہ ناصر آفتاب اس سازش میں ملے ہوئے ہیں۔ واضح رہے کہ ام رباب چانڈیو نے اکیلے ہی سندھ کے سرداروں کے خلاف قانونی جنگ لڑ رہیں ہیں، ان کے خاندان کے 3 افراد کا قتل ہوا جس پر وہ جنگ لڑ رہی ہیں۔