اسلام آباد(پی پی آئی)سابق وزیراعظم اور پاکستان مسلم لیگ (ن) کے قائد نواز شریف عام انتخابات میں حصہ لیں گے، کیونکہ ان کی جماعت کو توقع ہے کہ قانونی مسائل 2 مہینے میں حل ہو جائیں گے۔ پی پی آئی کے مطابق م لیگ (ن) پنجاب کے صدر رانا ثنا اللہ نے بتایا کہ نواز شریف الیکشن لڑنے کے لیے ضمنی انتخابات کا انتظار نہیں کریں گے، اور امید ظاہر کی کہ ان کے خلاف مقدمات کا فیصلہ 8 فروری سے قبل ہو جائے گا۔اس حوالے سے پارٹی رہنماؤں میں قیاس آرائیاں جاری ہیں کہ اگر نواز شریف عدالتوں سے 8 فروری تک ’کلین چٹ‘ حاصل کرنے میں ناکام رہے تو وہ ضمنی انتخابات میں حصہ لے سکتے ہیں۔نواز شریف کے پاکستان مسلم لیگ (ن) کے صدر بننے سے متعلق سوال پر رانا ثنا اللہ نے بتایا کہ شہباز شریف پارٹی کے صدر برقرار رہیں گے، اور نواز شریف موجودہ پوزیشن میں اپنا کردارا ادا کریں گے۔۔رانا ثنااللہ نے اس بات کو بھی دہرایا کہ ان کی جماعت 9 مئی ملزمان کے علاوہ پی ٹی آئی سے بھی بات کرنے کے لیے تیار ہے، انہوں نے دعویٰ کیا کہ سابق وزیراعظم شاہد خاقان عباسی قیادت سے ناراض نہیں ہیں۔