کراچی (پی پی آئی) کراچی ایئرپورٹ پر گزشتہ 9 برس سے موجود بنگلا دیشی ائیر لائن کے جہاز کے حوالے سے اہم پیشرفت سامنے آئی ہے۔سول ایوی ایشن اتھارٹی نے بنگلا دیشی ایئر لائن کو کراچی ایئر پورٹ پر پارک اپنا طیارہ ہٹانے کے لیے نوٹس جاری کر دیا۔مذکورہ نوٹس سول ایوی ایشن اتھارٹی نے بذریعہ اشتہار جاری کیا ہے، یونائیٹڈ ائیر لائن کا جہاز گرانڈ ہینڈلنگ کمپنی کے واجبات کے تنازعے کی بنا ء پر ایئرپورٹ پر موجود ہے۔ذرائع کے مطابق مقامی عدالت میں اس تنازعہ کے بارے میں جاری حالیہ فیصلے پر سی اے اے نے ائرلائن کو جہاز ہٹانے کا کہا ہے۔اخبارات میں شائع کرائے گئے نوٹس میں یونائیٹڈ ایرویز کا ایئربس 310طیارہ کو 27 نومبر تک جہاز ہٹانے کا کہا گیا ہے۔سول ایوی ایشن اتھارٹی نے طیارے کو نہ ہٹائے جانے کی صورت میں طیارہ ضبط کرنے کا انتباہ جاری کیا ہے، کراچی ائیر پورٹ پر پارک طیارہ فلائٹ سیفٹی کی خلاف ورزی ہیں۔
Next Post
اسد عمر کا سیاست چھوڑنے کا اعلان، پی ٹی آئی کی رکنیت سے بھی مستعفی
Sat Nov 11 , 2023
اسلام آباد(پی پی آئی)پاکستان تحریک انصاف کے رہنما اسد عمر نے سیاست سے مکمل طور پر کنارہ کشی اختیار کرنے کا اعلان کردیا اور کہا ہے کہ پی ٹی آئی کی بنیادی رکنیت سے بھی استعفیٰ دے رہا ہوں۔ سماجی ویب سائٹ ایکس پر اپنے آفیشل اکاونٹ سے سیاست چھوڑنے کا اعلان کرتے ہوئے اسد عمر نے کہا کہ ”ایک […]