شہباز شریف کی ہندو برادری کو دیوالی کے تہوار کی مبارکباد

لاہور (پی پی آئی) سابق وزیراعظم اور پاکستان مسلم لیگ (ن) کے صدر شہباز شریف نے ہندو برادری کو دیوالی کے تہوار کی خوشیوں کی مبارکباد دیتے ہوئے کہا ہے کہ دیوالی کا بنیادی پیغام برائی پر اچھائی کی فتح ہے۔سماجی رابطہ کی ویب سائٹ ایکس(ٹویٹر) پر اپنے پیغام میں کہا کہ ہم سب کو مل کر معاشرے اور دنیا سے برائی کے خاتمے اور اچھائی کے فروغ کے لئے کام کرنا ہوگا۔ پاکستان کے قیام اور ترقی میں اقلیتوں کا ناقابل فراموش کردار ہے۔انہوں نے کہا کہ بابائے قوم قائد اعظم محمد علی جناح کے فرمودات کی روشنی میں اقلیتوں کے حقوق کے تحفظ اور فروغ کے عہد کی تجدید کرتے ہیں۔