اسلام آباد (پی پی آئی) بشریٰ بی بی کے سابق شوہر خاور مانیکا نے چیئرمین پی ٹی آئی اور ان کی اہلیہ کے خلاف درخواست دائر کردی ہے۔خاور مانیکا نے ڈسٹرکٹ اینڈ سیشن کورٹس اسلام آباد میں درخواست دائر کی جس میں مفتی سعید، عون چوہدری اور محمد لطیف کے نام بطور گواہ درخواست میں درج ہیں۔پی پی آئی کے مطابق بشریٰ بی بی کے سابق شوہر نے اپنا بیان سول جج کی عدالت میں ریکارڈ کرایا اور درخواست میں مؤقف اختیار کیا ہیکہ چیئرمین پی ٹی آئی نے بشریٰ بی بی سے غیرشرعی نکاح کیا، انہوں نے دوران عدت نکاح کرکے گناہ کیا اور فراڈ پر مبنی شادی کی۔درخواست میں کہا گیا ہیکہ بشریٰ بی بی سے 1989 میں شادی ہوئی تھی، ہماری شادی شدہ زندگی پر سکون تھی لیکن چیئرمین پی ٹی آئی نے اس میں مداخلت کی، پیری مریدی کے چکر میں عمران خان بشریٰ بی بی کے گھر داخل ہوئے۔خاورمانیکا نے اپنے اور بشریٰ بی بی کے نکاح نامہ کی کاپی درخواست کے ساتھ جمع کرائی اور طلاق نامہ بھی درخواست کے ساتھ منسلک کیا جب کہ مفتی سعید، عون چوہدری اور محمد لطیف کے نام بطور گواہ درخواست میں درج ہیں، گواہان کے بیانات آئندہ سماعت پر ریکارڈ کیے جائیں گے۔ ڈسٹرکٹ اینڈ سیشن کورٹس خاورمانیکا کی درخواست پر 28 نومبر کو سماعت کرے گی۔
Next Post
گیس کی قیمتوں میں ہوشربا اضافہ سے مہنگائی میں مسلسل اضافہ،شرح مسلسل دوسرے ہفتے بھی40 فیصد سے اوپر
Sat Nov 25 , 2023
کراچی (پی پی آئی)ہفتہ وار مہنگائی کی شرح مسلسل دوسرے ہفتے 40 فیصد سے اوپر رہی، جس کی بنیادی وجہ گیس کی قیمتوں میں ہوشربا اضافہ ہے۔پی پی آئی کے مطابق سرکاری اعداد و شمار سے ظاہر ہوتا ہے کہ 23 نومبر کو ختم ہونے والے ہفتے کے دوران مہنگائی کی شرح 41.13 فیصد رہی، اس کی بنیادی وجہ گیس […]