پی سی بی کی جانب سے قومی ٹیم کی کوچنگ کے امیدوارلیے سخت شرائط

لاہور: پاکستان کرکٹ بورڈ کی جانب سے ہیڈ کوچ کے امیدوار کے لیے لیے سخت شرائط کا اعلان کردیا ۔پی سی بی کی جانب سے جا ری کر دہ شرائط کے مطابق کوچنگ امیدوار کے لیے کوچنگ کورس لیول 3 اور بین الاقوامی کرکٹ میں کوچنگ کا تجربہ لازمی قرار دیا گیا ہے۔پی سی بی کے سینئیر عہدیدار ہارون رشید کا کہنا ہے کہ ملکی اور غیر ملکی دونوں امیدوار درخواست دے سکتے ہیں ۔پی سی بی نے رواں ہفتے مینیجنگ کمیٹی کے اجلاس کے بعد کوچ کے لیے اشتہار جاری کرنے فیصلہ کیا گیا تھا ۔واضح رہے کہ کچھ دنوں سے ہیڈکوچ کے لیے سابق کپتان وقار یونس کانام لیا جارہا تھا لیکن پی سی بی کی جانب سے جاری کردہ سخت شرائط کے بعدخیال ظا ہر کیا جا رہا ہے کہ بورڈ کی دلچسپی غیر ملکی کوچ کی تعیناتی پر ہے۔ یاد رہے کہ پی سی بی نے سال میں دوسری دفعہ کوچ کے لیے اشتہار جاری کیا ہے، پی سی بی نے رواںسال کے اوائل میں بھی کوچ کے لیے اشتہار جاری کیاتھا،لیکن اس کئے فوراً بعد معین خان کو قومی کرکٹ ٹیم کا ہیڈ کوچ مقرر کیا گیا تھا۔