سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

راولپنڈی(پی پی آئی)خصوصی عدالت نے سائفر کیس میں سربراہ پی ٹی آئی اور شاہ محمود قریشی پر فردجرم کیلئے 12 دسمبر کی تاریخ مقرر کردی۔تفصیلات کے مطابق راولپنڈی میں آفیشل سیکرٹ ایکٹ سے متعلق سائفرکیس کی سماعت ہوئی، خصوصی عدالت کے جج ابوالحسنات ذوالقرنین نے اڈیالہ جیل میں کیس کی سماعت کی۔سربراہ پی ٹی آئی اور شاہ محمود قریشی کے وکلا، اہل خانہ بھی کمرہ عدالت میں موجود تھے جبکہ ایف آئی اے اسپیشل پراسیکیوٹر ذوالفقار نقوی،رضوان عباسی عدالت میں پیش ہوئے۔پی پی آئی کے مطابق سربراہ پی ٹی آئی کے وکیل عثمان گل کے تاخیر سے آنے پر سماعت میں بھی تاخیر ہوئی، جس پر پراسیکیوٹر کا کہنا تھا کہ آئندہ سماعت وقت پرشروع کی جائے اور گواہان کو بھی عدالت پیش کیاجائے گا تو جج نے کہا کہ دونوں فریق باہمی مشاورت سے ایک وقت مقرر کرلیں۔پی ٹی آئی وکلاکی جانب سے انٹرنیشنل میڈیا کو کمرہ عدالت تک رسائی نہ ملنے کی شکایت کی ، سابق چیئرمین پی ٹی آئی کے وکیل کے تاخیر سے آنے پر عدالت نے برہمی کا اظہار کرتے ہوئے کہا کہ ڈیڑھ گھنٹے سے میں انتظار کر رہا ہوں وکیل پہنچے نہیں، ایڈوکیٹ عثمان گل نے جج سے مکالمے میں بتایا کہ دھند کی وجہ سے عدالت تاخیر سے پہنچا۔پی پی آئی کے مطابق شاہ محمود قریشی نے عدالت سے استدعا کی آئندہ سماعت 9بجے شروع کریں، جس پر جج نے کہا کہ آپ اپنے وکلاکو کہیں جلدی آئیں تو سماعت جلدی شروع ہو جائے گی۔خصوصی عدالت نے سائفر کیس میں سربراہ پی ٹی آئی اور شاہ محمود قریشی پر فردجرم کیلئے 12 دسمبر کی تاریخ مقرر کردی۔