اسلام آباد(پی پی آئی)آئندہ عام انتخابات کیلئے امیدواروں کے کاغذات نامزدگی کی جانچ پڑتال کا عمل جاری ہے جو ہفتے کو مکمل ہوگا۔
کاغذات نامزدگی کے منظور یا مسترد ہونے کیخلاف اپیلیں آئندہ ماہ کی تین تاریخ تک جمع کرائی جاسکیں گی اور ان اپیلوں پر فیصلے آئندہ ماہ کی دس تاریخ تک کئے جائیں گے۔امیدواروں کی فہرست گیارہ جنوری کو جاری کی جائے گی اور امیدوار بارہ جنوری تک کاغذات نامزدگی واپس لے سکیں گے۔انتخابی نشانات آئندہ ماہ کی تیرہ تاریخ کو الاٹ کئے جائیں گے اور عام انتخابات کیلئے آٹھ فروری کو ووٹ ڈالے جائیں گے۔