منڈی بہاؤالدین اورحافظ آباد میں خواتین ہی مد مقابل

منڈی بہاؤالدین/حافظ آباد)پی پی آئی)اس وقت پاکستان بھر میں کم ہی ایسے حلقے ہیں جن میں خواتین ہی مدمقابل ہوں تاہم پنجاب میں ایک قومی اور ایک صوبائی اسمبلی کی نشست ایسی ہے جہاں خواتین کے مابین بھرپور مقابلے کی توقع ہے۔پی پی آئی کے مطابق  این اے 67 حافظ آباد سے ن لیگ کی سائرہ افضل تارڑ اور تحریک انصاف کی  آزاد امیدوار انیقہ مہدی حسن بھٹی مدمقابل ہیں۔ اس کے علاوہ منڈی بہاؤالدین کے صوبائی حلقے پی پی 40   میں پاکستان تحریک انصاف کی نامزد آزاد  امیدوار زرناب شیر اور ن لیگ  کی حمیدہ وحید الدین ایک دوسرے کے مقابلے میں الیکشن لڑ رہی ہیں۔