برسلز/اسلام آباد(پی پی آئی)پاکستان میں اگلے ماہ ہونے والے عام انتخابات کے موقع پر دولت مشترکہ کے مبصرین کا وفد یکم فروری کو پاکستان پہنچ رہا ہے جو الیکشن کا مشاہدہ کرے گا۔وفد کی سربراہی نائیجیریا کے سابق صدر ڈاکٹر گڈلک جوناتھن کریں گے اور وفد میں 13 مبصرین شامل ہوں گے۔ پی پی آئی کے مطابق یورپ کے الیکشن ماہرین کا 10 رکنی وفد پہلے ہی پاکستان میں ہے جو جنوری کے دوسرے ہفتے میں اسلام آباد پہنچا تھا۔ یہ وفد بھی الیکشن کے معاملات کا مشاہدہ کرے گا۔ کامن ویلتھ کی پریس ریلیز میں بتایا گیا ہے کہ ’ہمارے الیکشن آبزرورز گروپ سے پاکستان کے الیکشن کمیشن نے اپنے ملک کی وزارت خارجہ کی وساطت سے درخواست کی تھی۔‘بیان کے مطابق ’الیکشن کمیشن کی درخواست پر 13 رکنی وفد کو بھیجا جا رہا ہے جو انتخابات کا مشاہدہ کرے گا اور انتخابی عمل مکمل ہونے تک پاکستان میں ہی رہے گا۔‘اعلامیے میں یہ بھی کہا گیا ہے کہ ’پاکستان جانے والی ٹیم کے ارکان کا انتخاب کامن ویلتھ کی سیکریٹری جنرل پیٹیریشیا سکاٹ لینڈ نے کیا ہے جس میں ماہر ترین حکام شامل ہیں، یہ مبصرین پاکستان کے انتخابی عمل کا ایک جامع اور آزاد جائزہ پیش کریں گے۔‘
Next Post
آصف زرداری آزاد امیدواروں کو خرید رہے ہیں، احسن اقبال
Sat Jan 27 , 2024
نارووال(پی پی آئی)مسلم لیگ ن کے رہنما احسن اقبال نے الزام عائد کیا ہے کہ آصف زرداری نے آفر لگادی ہے کہ سارے آزاد امیدوار خریدوں گا اس لئے عوام کسی آزاد امیدوار کو ووٹ دے کر اپنا ووٹ ضائع مت کریں۔ پی پی آئی کے مطابق مسلم لیگ ن […]