آصف زرداری آزاد امیدواروں کو خرید رہے ہیں، احسن اقبال

نارووال(پی پی آئی)مسلم لیگ ن کے رہنما احسن اقبال نے الزام عائد کیا ہے کہ آصف زرداری نے آفر لگادی ہے کہ سارے آزاد امیدوار خریدوں گا اس لئے عوام کسی آزاد امیدوار کو ووٹ دے کر اپنا ووٹ ضائع مت کریں۔ پی پی آئی کے مطابق مسلم لیگ ن کے رہنما احسن اقبال نے این اے 76 میں خطاب کرتے ہوئے ن لیگی رہنما نے کہا بلاول کو چیلنج دیتا ہوں لاڑکانہ نارووال سے بہتر ہوا تو سیاست چھوڑ دوں گا، نارووال لاڑکانہ سے بہتر ہوا تو بلاول زرداری آپ سیاست چھوڑدینا۔احسن اقبال نے سوال کیا کہ کیا آزاد امیدوار کو اس لیے ووٹ دیں گے کہ وہ آپ کا ووٹ بیچے؟