ملک کو معاشی طور پر مضبوط کر کے ہی ترقی کا سفر ممکن ہے،مولانا فضل الرحمن

لاڑکانہ(پی پی آئی)سربراہ جمعیت علمائے اسلام مولانا فضل الرحمن نے کہا ہے کہ ملک کو معاشی طور پر مضبوط کر کے ہی ترقی کا سفر ممکن ہے،ہمیں عوام کو ریلیف دینے کے لیے جامع اقدامات کرنے ہوں گے۔لاڑکانہ میں الیکشن مہم کے دوران تقریب سے خطاب کرتے ہوئے مولانا فضل الرحمن کا کہنا تھا کہ ماضی میں ہونے والی غلطیوں کو نہ دہرایا جائے، ہمیں جب بھی موقع ملا ہم نے کے پی کے میں عوام کی خدمت کی۔ان کا کہناتھا کہ عوام سوچ سمجھ کر ووٹ دیں اور ان سیاست دانوں کا چناؤ کریں جو عوام کیلئیسوچ رکھتے ہوں۔انہوں نے کہا کہ ہم اقتدار میں آ کر بے روزگاری،غربت اور مہنگائی کا خاتمہ کریں گے۔ ایسے فیصلہ کرنا بہت ضروری ہیں جس سے عام آدمی کو فائدہ ہو۔