سب رجسٹرار کی بھرتی کا عمل پبلک سروس کمیشن کیتحت ہوگا،نگران وزیراعلیٰ سندھ

کرا چی(پی پی آئی)نگران وزیراعلیٰ سندھ جسٹس(ر) مقبول باقر نے کہا ہے کہ سب رجسٹرار کی بھرتی کا عمل اب سندھ پبلک سروس کمیشن کیتحت ہوگا، جس کے نتیجے میں اداروں میں بہتری آئے گی۔ وزیراعلیٰ نے کہا کہ سب رجسٹرار کی اسامی گریڈ 15 کی ہے اوریہ بہت ہی اہم پوسٹ ہے۔سب رجسٹرار زمین کی ملکیت کی رجسٹری کرتاہے۔ سب رجسٹرار دفاتر میں کرپشن کا خاتمہ تب ہی ممکن ہے، جب بھرتیاں میرٹ کی بنیادپر ہوں گی۔ انہوں نے کہا کہ سندھ حکومت نے محکمہ ریونیو کو عوام کی سہولت کے لیے ڈیجیٹل کردیا ہے۔محکمہ ریونیو میں اصلاحات متعارف کرائی جارہی ہیں جس سے کرپشن کا خاتمہ ہوگا۔