کراچی میں لسانی بنیادوں پر ٹارگٹ کلنگ میں ملوث انتہائی مطلوب ملزم گرفتار

کراچی(پی پی آئی)سی ٹی ڈی کے شعبہ تفتیش نے چھاپہ مار کر لسانی بنیادوں پر متعدد افراد کی ٹارگٹ کلنگ میں ملوث انتہائی مطلوب ملزم  عاطف کو گرفتار کرلیا۔تفصیلات کے مطابق سی ٹی ڈی شعبہ تفتیش نے شارع نورجہاں کے علاقے میں خفیہ اطلاع پر کارروائی کی۔سی ٹی ڈی نے اس سے قبل عاطف کے قریبی ساتھی فہد کو صدر سے گرفتارکیا تھا۔سی ٹی ڈی کے مطابق ملزم فہد کا والد بھی لسانی قتل کے الزام میں جیل کاٹ رہا ہے۔ پی پی آئی کے مطابق  ملزم عاطف سے تفتیش کی جارہی ہے اورمزید گرفتاریاں متوقع ہیں۔