بونیر میں پولیس چیک پوسٹ پر نامعلوم افراد کی فائرنگ، ایک اہلکار شہید، ایک زخمی

بونیر(پی پی آئی)خیبرپختونخوا کے ضلع بونیر میں نامعلوم افراد کی فائرنگ سے ایک پولیس اہلکار شہید جبکہ ایک زخمی ہوگیا۔پولیس کے مطابق رات گئے نامعلوم افراد نے امبیلہ چیک پوسٹ پر فائرنگ کی، جس کے نتیجے میں ایک پولیس اہلکار شہید جبکہ ایک زخمی ہوگئے۔ جنہیں علاج اور پوسٹمارٹم کیلیے قریبی اسپتال منتقل کردیا گیا۔ پی پی آئی کے مطابق واقعے کے بعد پولیس کی بھاری نفری جائے وقوع پر پہنچ گئی جبکہ ملزمان کی گرفتاری اور واقعے کی تحقیقات کا آغاز کردیا گیا۔۔

Latest from Blog