ویرات کوہلی فٹبال ورلڈکپ میں جرمنی کو سپورٹ کریں گے

بنگلور: پوری دنیا میں فٹبال ورلڈکپ کا بخار عروج پر ہے،بھارتی کرکٹ ٹیم کے نائب کپتان ویرات کوہلی کو بھی فٹبال ورلڈ کپ کا بے صبری سے انتظار ہے۔ویرات کوہلی فٹبال ورلڈکپ میںجرمنی کو سپورٹ کررہے ہیں،کوہلی کا کہنا ہے کہ جرمنی فٹبال کی خطرناک ترین ٹیم ہے اور وہ اس بارجرمن ٹیم کو سپورٹ کریں گے۔ کوہلی کا کہنا ہے کہ کرسٹیانو رونالڈو اور لیونل میسی ان کے پسندیدہ کھلاڑی ہیں تاہم وہ ورلڈکپ میں جرمنی کی جیت کے خواہاں ہیں۔بھارتی نائب کپتان کا کہنا ہے کہ انڈین کرکٹ ٹیم کے کھلاڑی فٹبال کے میچز بہت شوق سے دیکھتے ہیں اور پریکٹس کے دوران فٹبال بھی کھیلتے ہیں۔انھوں نے بتایا کہ بھارتی کرکٹ ٹیم کے کپتان مہندرا سنگھ دھونی ٹیم میں سب سے اچھی فٹبال کھیلتے ہیں جبکہ آل راﺅنڈر روندرا جدیجہ ٹیم میں فٹبال کے سب سے خراب کھلاڑی ہیں۔